தினத்தந்தி புகார் பெட்டி

 சாலையில் வழிந்தோடும் கழிவு நீர்

கும்பகோணம் 44-வது வார்டு ஆணைக்காரன்பாளையத்தில் கடந்த சில மாதங்களாக பாதாள சாக்கடை கழிவுநீர் சாலையில் வழிந்தோடுகிறது. இதனால் வாகன ஓட்டிகள் சிரமப்படுகிறார்கள். மேலும் மழைக்காலம் என்பதால் சாலையில் சேறும், சகதியுமாக உள்ளது. இதனால் பள்ளி செல்லும் மாணவ-மாணவிகள் பெரிதும் பாதிப்படைந்துள்ளனர். இந்த கழிவு நீரால் அந்த பகுதியில் துர்நாற்றம் வீசுவதால் தொற்றுநோய் பரவும் அபாயம் உள்ளது. எனவே சம்பந்தப்பட்ட அதிகாரிகள் பாதாள சாக்கடை அடைப்பை சீரமைத்து தர நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.

-பொதுமக்கள், ஆணைக்காரன்பாளையம்.