நாமக்கல் மாவட்டத்தில் மேலும் 43 பேருக்கு கொரோனா

நாமக்கல்:

தமிழக சுகாதாரத்துறை அறிவிப்பின்படி நேற்று முன்தினம் வரை நாமக்கல் மாவட்டத்தில் 53,586 பேர் கொரோனாவால் பாதிக்கப்பட்டு இருந்தனர். இந்த நிலையில் நேற்று நாமக்கல் மாவட்டத்தில் மேலும் 43 பேர் புதிதாக கொரோனா தொற்றால் பாதிக்கப்பட்டது பரிசோதனையில் தெரியவந்தது. இதனால் நாமக்கல் மாவட்டத்தில் கொரோனாவால் பாதிக்கப்பட்டோர் எண்ணிக்கை 53,629 ஆக உயர்ந்தது. நேற்று ஒரே நாளில் மாவட்டத்தில் 42 பேர் கொரோனாவில் இருந்து குணமாகி வீடு திரும்பினர். இதுவரை கொரோனாவுக்கு 508 பேர் பலியாகி உள்ள நிலையில் 52,622 பேர் கொரோனாவில் இருந்து குணமாகி வீடு திரும்பி உள்ளனர். அதேபோல் 499 பேர் தொடர்ந்து சிகிச்சை பெற்று வருகின்றனர்.