வீட்டில் நகை திருடிய வாலிபர் கைது

அம்பை:

ஆலங்குளம் அருகே உள்ள கிடாரக்குளம் பிள்ைளயார் கோவில் தெருவை சேர்ந்தவர் மாரியப்பன் மகன் வேலுச்சாமி (வயது 24). இவரும், கல்லிடைக்குறிச்சி பகுதியை சேர்ந்த ஒரு இளம்பெண்ணும் காதலித்து வந்தனர். இந்தநிலையில் அந்த பெண்ணின் வீட்டில் இருந்த 30 பவுன் நகைகள் திருடு போனதாக கல்லிடைக்குறிச்சி போலீசில் அந்த பெண்ணின் தந்தை புகார் செய்தார். மேலும் அந்த இளம்பெண்ணும் கடந்த சில நாட்களுக்கு முன்பு மாயமானார்.

இதுபற்றிய புகாரின் பேரில் போலீசார் வழக்குப்பதிவு செய்து விசாரணை நடத்தி அந்த இளம்பெண்ணை மீட்டனர். பின்னர் அந்த பெண்ணிடம் நடத்திய விசாரணையில், நகையை திருடியது அந்த பெண்ணின் காதலன் வேலுச்சாமி என்பதும், அந்த நகையை அடகு வைத்ததும் தெரியவந்தது. இதையடுத்து போலீசார் வேலுச்சாமியை கைது செய்தனர். பின்னர் அவரிடம் இருந்து 30 பவுன் நகைகள் மீட்கப்பட்டன. மேலும் ஒரு காரும், மோட்டார் சைக்கிளும் பறிமுதல் செய்யப்பட்டது.