ராமநாதபுரத்தில், த.மு.மு.க. ஆர்ப்பாட்டம்

ராமநாதபுரம் மாவட்ட த.மு.மு.க. மற்றும் ம.ம.க. சார்பில் பாபர் மசூதி இடிப்பு தினத்தையொட்டி விழிப்புணர்வு ஆர்ப்பாட்டம் நடைபெற்றது. ராமநாதபுரம் அரசு போக்குவரத்து கழக பணிமனை முன்பு நடைபெற்ற இந்த ஆர்ப்பாட்டத்திற்கு மத்திய மாவட்ட தலைவர் சரீப் தலைமை தாங்கினார்.
இஸ்லாமிய பிரசார பேரவை மாநில செயலாளர் அப்துல் காதிர், த.மு.மு.க. மாநில செயலாளர்கள் சலீமுல்லாகான், சாதிக்பாட்சா, ம.ம.க. மாநில அமைப்புச் செயலாளர் உசேன் கனி, இந்திய தேசிய காங்கிரஸ் கொள்கை பரப்புச் செயலாளர் வேலுச்சாமி, உலக தமிழர் பேரவை நிறுவனர் எழிலரசன் உள்ளிட்டோர் முன்னிலை வகித்தனர்.

கலந்து கொண்டவர்கள்

இதில் ராமநாதபுரம் வக்கீல் சங்க மாவட்ட தலைவர் ரவிச்சந்திர ராமவன்னி, காங்கிரஸ் கட்சி மாவட்ட தலைவர் செல்லத்துரை அப்துல்லா, இந்திய கம்யூனிஸ்டு கட்சி மாவட்ட செயலாளர் முருகபூபதி, மார்க்சிஸ்ட் கம்யூனிஸ்டு கட்சி மாவட்ட செயலாளர் காசிநாததுரை, விடுதலை சிறுத்தைகள் கட்சி மாவட்ட பொறுப்பாளர் விடுதலை சேகரன், தமிழ்புலிகள் கட்சி மாவட்ட செயலாளர் தமிழ் முருகன், சிறு வியாபாரிகள் சங்க தலைவர் ராமமூர்த்தி, த.மு.மு.க., ம.ம.க. மேற்கு மாவட்ட தலைவர் முகமது இக்பால், த.மு.மு.க., ம.ம.க. கிழக்கு மாவட்ட தலைவர் பட்டாணி மீரான் ஆகியோர் சிறப்புரையாற்றினர். இந்த ஆர்ப்பாட்டத்தில் ஏராளமான த.மு.மு.க. நிர்வாகிகளும், ம.ம.க நிர்வாகிகளும் கலந்து கொண்டனர்.