<
ஊராட்சி மன்ற அலுவலகத்திற்கு பூட்டுப்போட்டு பொதுமக்கள் போராட்டம்
குடிநீர் வினியோகம் செய்யாததால் வத்திராயிருப்பு அருகே ஊராட்சி மன்ற அலுவலகத்திற்கு பூட்டு போட்டு கிராம மக்கள் போராட்டத்தில் ஈடுபட்டனர்.
வத்திராயிருப்பு
குடிநீர் வினியோகம் செய்யாததால் வத்திராயிருப்பு அருகே ஊராட்சி மன்ற அலுவலகத்திற்கு பூட்டு போட்டு கிராம மக்கள் போராட்டத்தில் ஈடுபட்டனர்.
ஆர்ப்பாட்டம்
வத்திராயிருப்பு அருகே முத்திரையர் தாலுகாவிற்கு உட்பட்ட கான்சாபுரம் ஊராட்சியில் மேட்டுத்தெரு மற்றும் புதூர் ஆகிய பகுதிகளுக்கு கடந்த 15 நாட்களுக்கு மேலாக குடிநீர் வினியோகம் செய்யப்படவில்லை என கூறப்படுகிறது.
இதனால் அப்பகுதியை சேர்ந்த 50-க்கும் மேற்பட்ட பொதுமக்கள் நேற்று காலை ஊராட்சி மன்ற அலுவலகத்தை முற்றுகையிட்டனர்.
பின்னர் ஊராட்சி மன்ற அலுவலகத்தில் தலைவர் மற்றும் ஊராட்சி செயலர் இல்லாததால் ஆத்திரமடைந்த பொதுமக்கள் ஊராட்சி மன்ற அலுவலகத்திற்கு பூட்டு போட்டனர். பின்னர் ஊராட்சி மன்ற அலுவலகம் முன்பு பொதுமக்கள் குடிநீர் வழங்கக்கோரி போராட்டத்தில் ஈடுபட்டனர்.
பரபரப்பு
இந்த சம்பவம் பற்றி அறிந்த வத்திராயிருப்பு வட்டார வளர்ச்சி அலுவலர் சத்தியவதி மற்றும் கூமாப்பட்டி சப்-இன்ஸ்பெக்டர் ராம்குமார் முற்றுகையில் ஈடுபட்ட பொதுமக்களிடம் பேச்சுவார்த்தையில் ஈடுபட்டனர். மேட்டுதெரு மற்றும் புதூர் பகுதிக்கு ஓரிரு தினங்களில் குடிநீர் வழங்க நடவடிக்கை எடுக்கப்படும் என்று உறுதி அளித்தனர்.
இதையடுத்து முற்றுகையில் ஈடுபட்ட பொதுமக்கள் ஊராட்சி மன்ற அலுவலகத்திற்கு போடப்பட்ட பூட்டைஅகற்றினர்.
பின்னர் பேச்சு வார்த்தையில் சமரசம் ஏற்பட்டு அங்கிருந்து கலைந்து சென்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
