‘தினத்தந்தி’ புகார் பெட்டியில் பதிவான மக்கள் குறைகள் தொடர்பான பதிவுகள்

தஞ்சை மாவட்டம் கும்பகோணத்தை அடுத்த விளந்தகண்டம் பகுதியில் உள்ள சாலை பராமரிப்பின்றி குண்டும், குழியுமாக காட்சி அளிக்கிறது. இதனால் மழைக்காலங்களில் மழைநீர் தேங்கி நிற்கிறது. இதன்காரணமாக பொதுமக்கள், மாணவ-மாணவிகள் சாலையை பயன்படுத்த முடியாத சூழல் ஏற்படுகிறது. மேலும், சாலை குண்டும், குழியுமாக இருப்பதால் அடிக்கடி வாகன விபத்துகளும் ஏற்படுகிறது. எனவே, அசம்பாவிதம் எதுவும் ஏற்படும் முன்பு மேற்கண்ட பகுதியில் உள்ள குண்டும், குழியுமான சாலையை சீரமைக்க வேண்டும் என பொதுமக்கள் கோரிக்கை விடுத்துள்ளனர்.  -பொதுமக்கள், விளந்தகண்டம்.