போலீஸ் துறையின் செயல்பாடுகள் குறித்து மாணவ, மாணவிகளுக்கு விழிப்புணர்வு

கம்பம்:

கம்பம் தெற்கு போலீஸ் நிலையம் சார்பில், பள்ளி மாணவ, மாணவிகளுக்கு போலீஸ் துறையின் செயல்பாடுகள் குறித்து விழிப்புணர்வு ஏற்படுத்தவும், போலீஸ் பொதுமக்களின் நண்பன் என்பதை அறிவுறுத்தவும் நடவடிக்கை எடுக்கப்பட்டது. 

 அதன்படி கம்பம் தெற்கு போலீஸ் நிலையத்தில் சி.பி.யூ மேல்நிலைப்பள்ளி மாணவர்களுக்கு போலீசாரின் செயல்பாடுகள் மற்றும் இன்ஸ்பெக்டர் அறை, சப்-இன்ஸ்பெக்டர் அறை, பதிவேடுகள் வைப்பறை, நிலைய எழுத்தர் அறை, கைதிகள் அறை, கிடங்கு அறை, கணினி அறை, ஓய்வறை, ஆயுதங்கள் அறை, ஆண் கைதிகள் அறை, வட்ட எழுத்தர் அறை ஆகியவை நேரில் காண்பிக்கப்பட்டது. அத்துடன் குழந்தைகளுக்கு எதிரான குற்றங்கள், சாலை விதிகளை பின்பற்றும் முறைகள் குறித்து மாணவர்களுக்கு இன்ஸ்பெக்டர் லாவண்யா விளக்கம் அளித்தார். மேலும் அவர், சமூகத்தில் நடக்கும் குற்றசம்பவங்கள், குழந்தை திருமணம் குறித்து போலீசாருக்கு தயக்கம் இல்லாமல் தகவல் தரலாம் என்றார். முன்னதாக மாணவ, மாணவிகளுக்கு விளையாட்டு போட்டிகள் நடத்தப்பட்டு பரிசு வழங்கப்பட்டது.