சி.ஐ.டி.யூ. சார்பில் வாகன நிறுத்த போராட்டம்

தொண்டி அரசு மருத்துவமனை முன்பு கிழக்கு கடற்கரை சாலையில் 10 நிமிட வாகன நிறுத்த போராட்டத்திற்கு சி.ஐ.டி.யூ. கட்டுமான தொழிலாளர் சங்க மாவட்டசெயலாளர் சந்தானம் தலைமை தாங்கினார். இதில் தமிழ்நாடு விவசாய சங்க மாநில துணைத்தலைவர் முத்துராமு, தாலுகா தலைவர் தோட்டாமங்கலம் ராசு, செந்தில்குமார் உள்பட பலர் கலந்து கொண்டனர். ராமேசுவரம் பஸ் நிலையம் அருகே சி.ஐ.டி.யு. தொழிற்சங்கம் சார்பில் சாலைகளில் வந்த இருசக்கர வாகனங்களை நிறுத்தி போராட்டத்தில் ஈடுபட்டனர். மாவட்ட துணைசெயலாளர் கருணா மூர்த்தி தலைமையில் நடந்த இந்த போராட்டத்தில் நிர்வாகிகள் சுடலைகாசி, பவுல்ராஜ், ஞானசேகர், இந்திய மாணவர் சங்க நிர்வாகி வில்லியம்ஜாய்சி உள்ளிட்ட பலர் கலந்து கொண்டனர்.இதேபோல பரமக்குடி, கமுதி, அபிராமம், சிக்கல், கடலாடி ஆகிய 6 இடங்களில் இந்த வாகன நிறுத்தம் போராட்டம் நடைபெற்றது.