<
மேம்பாலத்தில் இருந்து நண்பருடன் தவறிவிழுந்த லாரி டிரைவர்
எல்லீஸ் நகர் மேம்பாலத்தில் இருந்து நண்பருடன் தவறிவிழுந்த லாரி டிரைவர் ஆஸ்பத்திரியில் அனுமதிக்கப்பட்டு உள்ளார்.
மதுரை,
மதுரை சிந்தாமணி பகுதியைச் சேர்ந்தவர் சுந்தரபாண்டி (வயது 35). லாரி டிரைவரான இவர் நேற்று தனது நண்பருடன் மோட்டார் சைக்கிளில் பெரியார் பஸ் நிலையத்தில் இருந்து எல்லீஸ்நகர் நோக்கி சென்று கொண்டிருந்தார். மதுபோதையில் இருந்த அவர்கள் இருவரும் நிலைதடுமாறி எல்லீஸ்நகர் மேம்பாலத்தில் தடுப்பு சுவரில் மோதி கீழே விழுந்தனர். பாலத்தின் கீழ் பகுதியில் நிறுத்தப்பட்டிருந்த கார் மீது அவர்கள் விழுந்ததால் அவர்களுக்கு படுகாயம் எதுவும் ஏற்படவில்லை. சுந்தரபாண்டிக்கு கால் பகுதியில் காயம் ஏற்பட்டது. அவருடன் வந்த நபர் அங்கிருந்து தப்பிச் சென்றுவிட்டார். காயங்களுடன் கிடந்த சுந்தரபாண்டியை அக்கம்பக்கத்தினர் மீட்டு மதுரை அரசு ஆஸ்பத்திரியில் அனுமதித்தனர். அங்கு அவருக்கு சிகிச்சை அளிக்கப்பட்டு வருகிறது. இந்த விபத்து தொடர்பாக எஸ்.எஸ்.காலனி போலீசார் விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
