<
குண்டடம் அருகே இரு வேறு விபத்துகளில் 2 பேர் பரிதாபமாக இறந்தனர்
குண்டடம் அருகே இரு வேறு விபத்துகளில் 2 பேர் பரிதாபமாக இறந்தனர்
குண்டடம்,
குண்டடம் அருகே இரு வேறு விபத்துகளில் 2 பேர் பரிதாபமாக இறந்தனர். 2 பேர் காயமடைந்தனர்.
இது பற்றி போலீஸ் தரப்பில் கூறப்படுவதாவது:-
விவசாயி பலி
குண்டடத்தை அடுத்துள்ள கள்ளிமேட்டுபாளையத்தை சேர்ந்தவர் முத்துசாமி (வயது 45), விவசாயி. இவர் நேற்று முன்தினம் இரவு தாராபுரம்-திருப்பூர் மெயின் ரோட்டில் குண்டடத்தை அடுத்துள்ள நால்ரோடு அருகே மோட்டார்சைக்கிளில் ரோட்டை கடக்க முயன்றார். அப்போது திருப்பூரிலிருந்து தாராபுரம் நோக்கிச்சென்ற லாரி எதிர்பாராதவிதமாக முத்துச்சாமியின் மோட்டார்சைக்கிள் மீது மோதியது.
இந்த விபத்தில் மோட்டார்சைக்கிளில் இருந்து தூக்கிவீசப்பட்ட முத்துசாமி படுகாயமடைந்தார். உடனே அக்கம் பக்கத்தில் இருந்தவர்கள் அவரை மீட்டு சிகிச்சைக்காக தாராபுரம் அரசு ஆஸ்பத்திரிக்கு கொண்டு சென்றனர். அங்கு அவரை பரிசோதித்த டாக்டர்கள் வரும் வழியிலேயே முத்துசாமி இறந்துவிட்டதாக தெரிவித்தனர்.
தொழிலாளி பலி
இதேபோல் குண்டடம் அடுத்துள்ள எரகாம்பட்டியை சேர்ந்தவர் குமாரசாமி மகன் மணிகண்டன் (25), கூலித்தொழிலாளியாக வேலை செய்து வந்தார். இவர் தனது நண்பரான அதே ஊரைச்சேர்ந்த ஸ்ரீகாந்துடன் குண்டடம் அருகே மானூர்பாளையத்திலிருந்து வெருவேடம்பாளையம் செல்லும் ரோட்டில் மோட்டார்சைக்கிளில் சென்று கொண்டிருந்தார்.
வெருவேடம்பாளையம் ஊருக்கு அருகில் சென்றபோது அந்த வழியாக மொபட்டில் சென்ற குங்குமம்பாளையத்தை சேர்ந்த விவசாயி தங்கமுத்து என்பவர் மீது மோதினார். இதில் மணிகண்டன் உள்பட 3 பேரும் படுகாயமடைந்தனர்.
உடனே அக்கம் பக்கத்தினர் அவர்களை மீட்டு பல்லடம் அரசு ஆஸ்பத்திரியில் சிகிச்சைக்காக சேர்த்தனர். மணிகண்டன் மேல் சிகிச்சைக்காக கோவை அரசு ஆஸ்பத்தியியில் அனுமதிக்கப்பட்டார். அங்கு டாக்டர்கள் தீவிர சிகிச்சை அளித்தும் பலனளிக்காமல் மணிகண்டன் பரிதாபமாக இறந்தார். மற்ற 2 பேர் தொடர்ந்து சிகிச்சை பெற்று வருகிறார்கள். இந்த 2 விபத்துகள் பற்றிய புகாரின்பேரில் குண்டடம் போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
