அதிக பாரம் ஏற்றி வந்த லாரி பறிமுதல்

களக்காடு:

களக்காடு போலீஸ் சப்-இன்ஸ்பெக்டர் கார்த்திகேயன் மற்றும் போலீசார் ஜெ.ஜெ.நகர் விலக்கு அருகில் வாகன சோதனையில் ஈடுபட்டிருந்தனர். அப்போது அந்த வழியாக முக்கூடலில் இருந்து கன்னியாகுமரிக்கு ஜல்லி லோடு ஏற்றி வந்த டிப்பர் லாரியை நிறுத்தி சோதனையிட்டனர். இதில் அந்த லாரியில் அதிக பாரம் ஏற்றி வந்தது தெரியவந்தது. இதையடுத்து போலீசார் லாரியை பறிமுதல் செய்தனர். மேலும் லாரி டிரைவர் கன்னியாகுமரி மாவட்டம் திருவட்டாரை சேர்ந்த சுரேஷ் (வயது 41) என்பவர் மீது வழக்குப்பதிவு செய்து விசாரணை நடத்தினர்.