<
வந்தவாசி-காஞ்சீபுரம் சாலையில் திடீர் மறியல்
தூசி அருகே வந்தவாசி-காஞ்சீபுரம் சாலையில் திடீர் சாலை மறியல் நடந்தது.
தூசி
தூசி அருகே வந்தவாசி-காஞ்சீபுரம் சாலையில் திடீர் சாலை மறியல் நடந்தது.
செல்போன் தொழிற்சாலை
சென்னை ஒரகடம் பகுதியில் செல்போன் உதிரிப்பாகங்கள் தயாரிக்கும் ஒரு தனியார் தொழிற்சாலை செயல்பட்டு வருகிறது.
அதில் 5 ஆயிரத்துக்கும் மேற்பட்ட பெண் தொழிலாளர்கள் வேலை பார்த்து வருகின்றனர். அந்தப் பெண் தொழிலாளர்களில் பலர் காஞ்சீபுரம், பூந்தமல்லி, செய்யாறு ஆகிய பகுதிகளில் உள்ள பெண்கள் விடுதிகளில் தங்கி உள்ளனர்.
கடந்த 15-ந்தேதி பூந்தமல்லி மகளிர் விடுதியில் தங்கியிருந்த பெண்கள் மதிய உணவு சாப்பிட்டபோது, தரமில்லா உணவால் வாந்தி, மயக்கம் ஏற்பட்டது.
பாதிக்கப்பட்ட பெண்கள் சென்னை, காஞ்சீபுரம், பூந்தமல்லி போன்ற மருத்துவமனைகளில் சேர்ந்து சிகிச்சை பெற்றனர். அதில் ஒருசிலர் குணமடைந்து வீடு திரும்பினர். 8 பெண்களை காணவில்லை. அவர்கள் மாயமாகி விட்டதாக விடுதி நிர்வாகம் கூறி வருகிறது.
சாலை மறியல்
தூசி அருகே உள்ள இரு விடுதி பெண்கள் நெற்று காலை 10.30 மணி அளவில் வந்தவாசி-காஞ்சீபுரம் சாலையில் அங்குள்ள ஐயங்கார் குளம் கூட்ரோட்டில் திடீரென மறியலில் ஈடுபட்டனர்.
சாலை மறியலில் ஈடுபட்ட பெண்கள், மாயமான 8 பெண் தொழிலாளர்களின் நிலை என்ன? என்பதை விடுதி நிர்வாகம் தெளிவுப்படுத்த வேண்டும், எனக் கோரிக்கை விடுத்தனர்.
தகவல் அறிந்ததும் செய்யாறு துணை போலீஸ் சூப்பிரண்டு செந்தில், வெம்பாக்கம் தாசில்தார் சத்தியன், தூசி போலீஸ் சப்-இன்ஸ்பெக்டர் சிலம்பரசன் மற்றும் போலீசார் சம்பவ இடத்துக்கு விரைந்து வந்து சாலை மறியலில் ஈடுபட்ட பெண்களிடம் பேச்சுவார்த்தை நடத்தினர்.
அதில் சமரசம் ஏற்பட்டதும் சாலை மறியலை கைவிட்டனர். இதனால் அங்கு பரபரப்பும், போக்குவரத்துப் பாதிப்பும் ஏற்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
