<
லாரி மோதி மூதாட்டி சாவு
திருவண்ணாமலையில் லாரி மோதி மூதாட்டி பரிதாபமாக இறந்தார்.
திருவண்ணாமலை
திருவண்ணாமலையில் லாரி மோதி மூதாட்டி பரிதாபமாக இறந்தார்.
திருவண்ணாமலை வேங்கிக்கால் குபேர நகர் பகுதியைச் சேர்ந்த தியாகராஜனின் மனைவி பஞ்சகவள்ளி (வயது 77).
இவர் கடந்த 6-ந் தேதி திருவண்ணாமலை அண்ணா ஆர்ச் அருகில் நடந்து சென்று கொண்டிருந்தார்.
அப்போது அந்த வழியாக காஞ்சி ரோட்டில் இருந்து வந்த ஒரு லாரி திடீரென அவர் மீது மோதியது. அதில் அவர் கீழே விழுந்தார். அவரின் கால்களில் லாரியின் சக்கரங்கள் ஏறியதால் கால்கள் நசுங்கின. அவரை அங்கிருந்தவர்கள் மீட்டு திருவண்ணாமலை அரசு மருத்துவமனையில் சிகிச்சைக்காக சேர்த்தனர்.
பின்னர் மேல் சிகிச்சைக்காக புதுச்சேரி ஜிப்மர் மருத்துவமனையில் அனுமதித்தனர். அதன் பிறகு சென்னை மருத்துவமனையில் சேர்த்தனர்.
அங்கு, சிகிச்சை பலனின்றி பஞ்சகவள்ளி பரிதாபமாக உயிரிழந்தார்.
இதுகுறித்த புகாரின் பேரில் திருவண்ணாமலை கிழக்கு போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
