சேந்தமங்கலம் அருகே மோட்டார் சைக்கிளில் இருந்து தவறி விழுந்து தொழிலாளி பலி

சேந்தமங்கலம்:

சேந்தமங்கலம் அருகே உள்ள கொண்டமநாயக்கன்பட்டி லைன் வீடு பகுதியில் வசித்து வந்தவர் முத்து (வயது 27). இவருடைய மனைவி சங்கீதா (20). இவர்கள் அங்குள்ள ஒரு கிரஷரில் கல் உடைக்கும் வேலை செய்து வந்தனர். இந்த நிலையில் நேற்று முன்தினம் வீட்டில் இருந்து மோட்டார் சைக்கிளில் சென்ற முத்து கொண்டமநாயக்கன்பட்டி அருகே உள்ள சாக்கடையில் தவறி விழுந்தார். 

இதை கண்டு அதிர்ச்சி அடைந்த அக்கம் பக்கத்தினர் 108 ஆம்புலன்சை வரவழைத்தனர். அத்துடன் அவருடைய மனைவிக்கும் தகவல் கொடுத்தனர். இதைத்தொடர்ந்து அவர் நாமக்கல் அரசு மருத்துவமனைக்கு சிகிச்சைக்காக கொண்டு செல்லப்பட்டார். அங்கு அவரை பரிசோதித்த டாக்டர் முத்து ஏற்கனவே இறந்து விட்டதாக தெரிவித்தனர். இதை கேட்டு சங்கீதா கதறி அழுதார். இந்த சம்பவம் குறித்து சேந்தமங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.