நாமக்கல் மாவட்டத்தில் புதிதாக 35 பேருக்கு கொரோனா

நாமக்கல்:

நாமக்கல் மாவட்டத்தில் சுகாதாரத்துறை அறிவிப்பின்படி நேற்று முன்தினம் வரை 54 ஆயிரத்து 288 பேர் கொரோனாவால் பாதிக்கப்பட்டு இருந்தனர். இதற்கிடையே நாமக்கல் மாவட்டத்தில் சிகிச்சை பெற்று வந்த ஒருவரின் பெயர் பிற மாவட்டத்தில் சேர்க்கப்பட்டது. இதனால் நாமக்கல் மாவட்டத்தில் பாதிப்பு எண்ணிக்கை 54 ஆயிரத்து 287 ஆக குறைந்தது. இந்த நிலையில் நேற்று புதிதாக 35 பேருக்கு கொரோனா பாதிப்பு உறுதி செய்யப்பட்டது. எனவே இதுவரை பாதிக்கப்பட்ட நபர்களின் எண்ணிக்கை 54 ஆயிரத்து 322 ஆக உயர்ந்துள்ளது.

இந்த நிலையில் நேற்று 42 பேர் கொரோனாவில் இருந்து குணமாகி வீடு திரும்பினர்.இதுவரை 53 ஆயிரத்து 368 பேர் கொரோனாவில் இருந்து குணமாகி வீடு திரும்பியுள்ளனர்.516 பேர் உயிரிழந்த நிலையில் மீதமுள்ள 438 பேருக்கு தொடர்ந்து சிகிச்சை அளிக்கப்பட்டு வருகிறது.