கேமராவை திருட முயன்ற வாலிபர் கைது

பத்மநாபபுரம், 

குலசேகரம் அருகே உள்ள வெண்டலிகோடு பகுதியை சேர்ந்தவர் சிந்துகுமார் (வயது 44). இவர் நேற்று குமாரபுரம் அருகே உள்ள சாண்டம் பகுதியில் காரில் வந்தார். பின்னர்  காரை நிறுத்திவிட்டு அருகில் உள்ள கடைக்கு சென்றார். அப்போது ஒரு வாலிபர் காரின் கதவை திறக்க முயற்சி செய்தார். இதை பார்த்த சிந்துகுமார் பொதுமக்கள் உதவியுடன் அவரை மடக்கிபிடித்து கொற்றிகோடு போலீஸ் நிலையத்தில் ஒப்படைத்தார். போலீசார் நடத்திய விசாரணையில் அவர் சிதறால் அருகே உள்ள அம்பலக்கடையை சேர்ந்த சந்தோஷ் (35) என்பதும், காரின் உள்ளே இருந்த கேமராவை திருடி செல்ல கதவை திறக்க முயன்றதும் தெரியவந்தது. இதுகுறித்த புகாரின் பேரில் சந்தோஷ் மீது கொற்றிகோடு போலீசார் வழக்குப்பதிவு செய்து அவரை கைது செய்தனர்.