லாரி மீது மோட்டார் சைக்கிள் மோதி தொழிலாளி பலி

ஆலங்குளம்:

ஆலங்குளம் அருகே கீழகரும்புளியூத்து ஊரைச் சேர்ந்தவர் அம்மாசி மகன் கார்த்திக் (வயது 30). வெல்டிங் பட்டறை தொழிலாளியான இவர் நேற்று இரவு தனது ஊரில் இருந்து ஆலங்குளம் நோக்கி மோட்டார்சைக்கிளில் சென்று கொண்டிருந்தார். தனியார் நர்சிங் கல்லூரி அருகே சென்றபோது டீசல் இல்லாமல் நின்றுகொண்டிருந்த லாரியின் பின்னால் எதிர்பாராதவிதமாக மோதினார். இதில் படுகாயமடைந்த கார்த்திக் சம்பவ இடத்திலேயே பரிதாபமாக உயிரிழந்தார். தகவல் அறிந்ததும் ஆலங்குளம் போலீசார் சம்பவ இடத்திற்கு சென்றனர். கார்த்திக்கின் உடலை கைப்பற்றி பிரேத பரிசோதனைக்காக நெல்லை அரசு ஆஸ்பத்திரிக்கு அனுப்பி வைத்தனர். விபத்து குறித்து போலீசார் வழக்குப்பதிவு விசாரணை நடத்தி வருகின்றனர்.