<
பெண்ணை கொலை செய்தவருக்கு ஆயுள் தண்டனை
வெட்டி வைத்திருந்த விறகுகளை எடுத்து விற்றதில் ஏற்பட்ட தகராறில் பெண்ணை கொலை செய்தவருக்கு ஆயுள் தண்டனை விதித்து சிவகங்கை கோர்ட்டில் தீர்ப்பு கூறப்பட்டது.
சிவகங்கை,
வெட்டி வைத்திருந்த விறகுகளை எடுத்து விற்றதில் ஏற்பட்ட தகராறில் பெண்ணை கொலை செய்தவருக்கு ஆயுள் தண்டனை விதித்து சிவகங்கை கோர்ட்டில் தீர்ப்பு கூறப்பட்டது.
கொலை
சிவகங்கை மாவட்டம் சாலை கிராமத்தை அடுத்த வடவிருக்கை கிராமத்தை சேர்ந்தவர் சுப்பையா (வயது65) இவரது மனைவி சந்திரா (52). கூலி தொழிலாளியான சுப்பையா விறகுவெட்டி வந்தார்.
கடந்த 2012-ம் ஆண்டு ஆகஸ்டு மாதம் 26-ந் தேதி வடவிருக்கை கிராமத்தில் சுப்பையாவும் அவரது மனைவியும் விறகுவெட்டி வைத்திருந்தனர். அந்த விறகை அதே கிராமத்தைச் சேர்ந்த கிருபாலன் (52) என்பவர் எடுத்துச்சென்று விற்று விட்டாராம். இது குறித்து அவர்களுக்குள் தகராறு ஏற்பட்டது.
ஆயுள் தண்டனை
இதில் ஆத்திரமடைந்த கிருபாலன் சுப்பையாவின் மனைவி சந்திராவை அரிவாளால் வெட்டி கொலை செய்தார். இதுதொடர்பாக சாலைகிராமம் போலீசார் கிருபாலனை கைதுசெய்து அவர் மீது சிவகங்கையில் உள்ள மாவட்ட கோர்ட்டில் வழக்கு தொடர்ந்தனர். வழக்கை விசாரணை செய்த நீதிபதி சுமதிசாய்பிரியா குற்றம் சாட்டப்பட்ட கிருபாலனுக்கு ஆயுள் தண்டனையும் ரூ. 15000 அபராதமும் விதித்து தீர்ப்பு கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
