குளிர்பானம் என நினைத்து மதுவில் விஷம் கலந்து குடித்த முதியவர் சாவு

நெல்லை:

நெல்லை கங்கைகொண்டான் அருகே உள்ள கோட்டையடி பகுதியை சேர்ந்தவர் சுடலைக்கண்ணு (வயது 61). விவசாயியான இவர் சம்பவத்தன்று வீட்டில் இருந்த பூச்சிக்கொல்லி மருந்தை (விஷம்) குளிர்பானம் என்று நினைத்து மதுவில் கலந்து குடித்ததாக தெரிகிறது. இதில் மயங்கி கிடந்த அவரை உறவினர்கள் மீட்டு சிகிச்சைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர். அங்கு அவருக்கு டாக்டர்கள் தீவிர சிகிச்சை அளித்து வந்தனர். ஆனால் அங்கு சிகிச்சை பலனின்றி சுடலைக்கண்ணு நேற்று காலை பரிதாபமாக உயிர் இழந்தார். இதுகுறித்து கங்கைகொண்டான் போலீஸ் இன்ஸ்பெக்டர் பெருமாள் வழக்குப்பதிவு செய்து விசாரணை நடத்தி வருகிறார்.