5 கள்ளத்துப்பாக்கிகள், நாட்டு வெடிகுண்டுகள் பறிமுதல்

திண்டுக்கல் மேற்கு மரியநாதபுரத்தை சேர்ந்தவர் ராகேஷ்குமார் (வயது 26). கடந்த 2-ந்தேதி நள்ளிரவு இவர், முன்விரோதம் காரணமாக துப்பாக்கியால் சுடப்பட்டு படுகொலை செய்யப்பட்டார். இது தொடர்பாக 9 பேர் கைது செய்யப்பட்டனர். இவர்கள் தாங்களாகவே துப்பாக்கி தயாரித்து, கொலைக்கு பயன்படுத்தியது போலீசாரை அதிர்ச்சி அடைய செய்தது.
அதிரடி சோதனை
இந்தநிலையில் சாணார்பட்டி மற்றும் அதன் சுற்றுப்புற பகுதிகளில் கள்ளத்துப்பாக்கிகள் பதுக்கி வைத்து இருப்பதாக போலீசாருக்கு ரகசிய தகவல் கிடைத்தது.
அதன்பேரில் மாவட்ட கூடுதல் போலீஸ் சூப்பிரண்டு அருண் கபிலன் மேற்பார்வையில், இன்ஸ்பெக்டர் ராஜமுரளி, சாணார்பட்டி சப்-இன்ஸ்பெக்டர் கணேசன் ஆகியோர் தலைமையிலான தனிப்படையினர் சோதனையில் ஈடுபட்டனர்.
5 துப்பாக்கிகள் பறிமுதல்
அப்போது தவசிமடையை சேர்ந்த சேவியர் (வயது 53), அமுல்ராஜ் (37), கொரசின்னம்பட்டியை சேர்ந்த மூக்கன் (80), சின்னஅழகன் (52) ஆகியோர் வீடுகளில் 5 கள்ளத்துப்பாக்கிகள் பதுக்கி வைத்திருப்பது கண்டுபிடிக்கப்பட்டது. அதனை போலீசார் பறிமுதல் செய்தனர்.
மேலும் அவர்களிடம் இருந்த நாட்டு வெடிகுண்டுகள், கரி மருந்து, தோட்டாக்கள் மற்றும் துப்பாக்கி தயாரிக்க தேவையான உபகரணங்கள் பறிமுதல் செய்யப்பட்டது.
 போலீஸ் சூப்பிரண்டு பேட்டி
இதுகுறித்து தகவலறிந்த போலீஸ் சூப்பிரண்டு சீனிவாசன் சாணார்பட்டி போலீஸ் நிலையத்திற்கு நேரில் வந்து பறிமுதல் செய்யப்பட்ட கள்ளத்துப்பாக்கிகள், நாட்டு வெடிகுண்டுகளை பார்வையிட்டார்.
இல்லையென்றால் துப்பாக்கிகள் வைத்திருப்பவர்கள் மீது கடும் நடவடிக்கை எடுக்கப்படும் என்று அறிவுறுத்தப்பட்டது. ஆனால் இதை பொருட்படுத்தாமல் சிலர் கள்ளத்துப்பாக்கிகளை வைத்திருப்பதாக தகவல் கிடைத்தது. அதன்பேரில் அந்த பகுதியில் உள்ள வீடுகள் மற்றும் மலைப்பகுதிகளில் நடத்திய சோதனையில் கள்ளத்துப்பாக்கிகள், வெடிகுண்டுகள் உள்ளிட்ட பொருட்கள் பறிமுதல் செய்யப்பட்டுள்ளது என்றார்.
இதனை தொடர்ந்து துப்பாக்கிகளை கைப்பற்றிய போலீசாருக்கு அவர் பரிசு வழங்கி பாராட்டினார்.