திருச்செங்கோட்டில் காவலாளி தூக்குப்போட்டு தற்கொலை

எலச்சிபாளையம்:

திருச்செங்கோடு சீத்தாராம்பாளையத்தில் உள்ள தபால் நிலையம் அருகில் வசித்து வந்தவர் சின்னசாமி (வயது 70). இவர் அங்குள்ள பட்டறையில் காவலாளியாக வேலை செய்து வந்தார். இவருக்கு இந்திராணி என்ற மனைவியும் இளங்கோ, மோகன் என்ற மகன்களும் உள்ளனர். சின்னசாமி மது குடித்ததை குடும்பத்தினர் கண்டித்ததாக கூறப்படுகிறது. இதனால் மனமுடைந்த அவர் சீத்தாராம் பாளையம் பழனியாண்டவர் கோவில் தோட்டம் பகுதியில் உள்ள ஒரு மரத்தில் நைலான் கயிற்றால் தூக்குப்போட்டு தற்கொலை செய்து கொண்டார். 

இதுகுறித்து தகவல் அறிந்த திருச்செங்கோடு நகர போலீசார் சம்பவ இடத்துக்கு சென்று சின்னசாமியின் உடலை கைப்பற்றி பிரேத பரிசோதனைக்காக திருச்செங்கோடு அரசு மருத்துவமனைக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.