<
மதுரையில் கடந்த 9 நாட்களில் 997 பேருக்கு கொரோனா
மதுரையில் கடந்த 9 நாட்களில் 997 பேருக்கு கொரோனா பாதிப்பு உறுதியாகி உள்ளது. நேற்று 348 பேர் பாதிக்கப்பட்டனர்.
மதுரை,
மதுரையில் கடந்த 9 நாட்களில் 997 பேருக்கு கொரோனா பாதிப்பு உறுதியாகி உள்ளது. நேற்று 348 பேர் பாதிக்கப் பட்டனர்.
கொரோனா பாதிப்பு
மதுரையில் கொரோனா பரவல் வேகம் அதிகரித்து உள்ளது. அதன்படி கடந்த 1-ந்தேதியில் 11 பேருக்கும், 2-ந்தேதி 13 பேருக்கும், 3-ந்தேதி 19 பேருக்கும், 4-ந்தேதி 31 பேருக்கும், 5-ந்தேதி 52 பேருக்கும், 6-ந்தேதி 60 பேருக்கும், 7-ந்தேதி 149 பேருக்கும், 8-ந்தேதி 314 பேருக்கும் கொரோனா உறுதி செய்யப்பட்டு உள்ளது. இதுபோல், நேற்றும் புதிய உச்சமாக 348 பேருக்கு கொரோனா பாதிப்பு இருப்பதாக சுகாதாரத் துறை தெரிவித்துள்ளது.
அதன்படி கடந்த 9 தினங்களில் மதுரையில் மட்டும் 997 பேர் கொரோனாவால் பாதிக்கப்பட்டு இருக்கிறார்கள். நேற்றைய நிலவரப்படி, மதுரையில் சிகிச்சை பெறும் நபர்களின் எண்ணிக்கை மின்னல் வேகத்தில் உயர்ந்து 984 ஆக மாறி இருக்கிறது. இவர்களில் 120 பேர் வீட்டு தனிமைப்படுத்துதலில் டாக்டர்களின் கண்காணிப்பில் இருக்கிறார்கள்.
மீதம் உள்ளவர்கள் கொரோனா கண்காணிப்பு மையங்கள், அரசு மற்றும் தனியார் மருத்தவமனைகளில் சிகிச்சையில் இருக்கிறார்கள். இதுபோல், வெளிமாவட்டத்தை சேர்ந்த 35 பேரும் மதுரையில் சிகிச்சை பெற்று வருகிறார்கள்.
கூடுதல் படுக்கைகள்
நாளுக்கு நாள் கொரோனாவால் பாதிக்கப்படும் நபர்களின் எண்ணிக்கை அதிகரித்து வருவதால் அரசு ஆஸ்பத்திரியில் கூடுதல் படுக்கை வசதிகள் செய்யப்படுகிறது. இதுபோல், தற்காலிக டாக்டர்கள், செவிலியர்கள் உள்ளிட்ட பணியாளர் களை நியமிக்கும் பணியும் தீவிரமாக நடைபெற்று வருகிறது.
அதகரித்து வரும் கொரோனா பரவல் காரணமாக, மதுரை அரசு ஆஸ்பத்திரியின் காய்ச்சல், சளி, கொரோனா வெளி நோயாளிகள் பிரிவு மற்றும் கொரோனா பரிசோதனை மையம் இன்று முதல் இளங்கோ மேல்நிலைப்பள்ளியில் செயல்படும் என மாவட்ட நிர்வாகம் அறிவித்துள்ளது. அதன்படி, அதற்கு தேவையான மருத்துவ பணியாளர்களை நியமிக்கும் பணியும் நடக்கிறது.
இதுபோல், வெளிநோயாளிகள் பிரிவுக்கு தேவையான மருத்துவ உபகரணங்கள், மேஜைகள் இடமாற்றம் செய்யும் பணியும் நேற்று மும்முரமாக நடைபெற்றது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
