<
நடுக்கடலில் ராமேசுவரம் மீனவர்கள் விரட்டியடிப்பு
நடுக்கடலில் இலங்கை கடற்படையால் ராமேசுவரம் மீனவர்கள் விரட்டியடிக்கப்பட்டனர்.
ராமேசுவரம்,
நடுக்கடலில் இலங்கை கடற்படையால் ராமேசுவரம் மீனவர்கள் விரட்டியடிக்கப்பட்டனர்.
விரட்டியடிப்பு
ராமேசுவரத்தில் இருந்து நேற்று முன்தினம் 500-க்கும் மேற்பட்ட விசைப்படகுகளில் சுமார் 3 ஆயிரம் மீனவர்கள் மீன்பிடிக்க சென்றனர். இவர்கள் கச்சத்தீவு அருகே நடுக்கடலில் மீன்பிடித்த போது, இலங்கை கடற்படையினர் 5-க்கும் மேற்பட்ட கப்பல்களில் அங்கு ரோந்து வந்தனர்.
அங்கு மீன்பிடித்துக் கொண்டிருந்த ராமேசுவரம் மீனவர்ளை உடனடியாக அங்கிருந்து படகுகளை எடுத்துச் செல்லுமாறு இலங்கை கடற்படையினர் எச்சரித்துள்ளனர். பின்னர் விரட்டியடித்துள்ளனர்.
இதையடுத்து மீனவர்கள் கடலில் வீசி இருந்த வலைகளை அவசர அவசரமாக எடுத்துக்கொண்டு மீன் பிடிக்காமலேயே சுமார் 100-க்கும் மேற்பட்ட படகுகளில் கரை திரும்பினர்.
நடுக்கடலில் ராமேசுவரம் மீனவர்கள் இலங்கை கடற்படையால் விரட்டப்படுவது தொடர் கதையாகி உள்ளது.
வலியுறுத்தல்
இந்தநிலையில் இலங்கை கடற்படையினரின் இந்த அத்துமீறலை தடுத்து நிறுத்தி, அவர்களின் தொல்லை இல்லாமல் மீனவர்கள் மீன்பிடிக்க மத்திய- மாநில அரசுகள் நடவடிக்கை எடுக்க வேண்டும் என்று மீனவ சங்கங்கள் வலியுறுத்தி உள்ளன.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
