<
குழந்தை பெற்றெடுத்த 9-ம் வகுப்பு மாணவி
9-ம் வகுப்பு மாணவிக்கு ஆண்குழந்தை பிறந்தது. இதுதொடர்பாக 42 வயதான தொழிலாளி கைது செய்யப்பட்டார்.
கோபால்பட்டி:
திண்டுக்கல் மாவட்டம் சாணார்பட்டி அருகே உள்ள சின்னசெடிபட்டியை சேர்ந்தவர் கருப்புசாமி (வயது 42). தேங்காய் உறிக்கும் தொழிலாளி. இவருக்கு திருமணமாகி மனைவி மற்றும் 3 குழந்தைகள் உள்ளனர்.
இந்தநிலையில் கருப்புசாமி, செங்குறிச்சி பகுதியை சேர்ந்த 9-ம் வகுப்பு படிக்கும் 14 வயது மாணவியிடம் ஆசைவார்த்தை கூறி நெருங்கி பழகினார்.
இதில், அந்த மாணவி கர்ப்பம் ஆனார். கடந்த 8-ந்தேதி மாணவிக்கு ஆண் குழந்தை பிறந்தது. இதுகுறித்து மாணவியின் தாயார், சாணார்பட்டி போலீஸ் நிலையத்தில் புகார் அளித்தார்.
அதன்பேரில் போக்சோ சட்டத்தின் கீழ் வழக்குப்பதிவு செய்து கருப்புசாமியை போலீசார் கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
