தினத்தந்தி புகார் பெட்டி

ஆபத்தான மின்கம்பம்

மயிலாடுதுறை மாவட்டம் செம்பனார்கோவில் பகுதி அன்னவாசலை அடுத்த மாந்தை மெயின் சாலையில் உள்ள மின்கம்பம் ஒன்று பராமரிப்பின்றி சேதமடைந்து உள்ளது. குறிப்பாக மின்கம்பத்தில் உள்ள சிமெண்டு காரைகள் பெயர்ந்து இரும்பு கம்பிகள் வெளியே தெரிகிறது. இதனால் மின்கம்பம் எப்போது வேண்டுமானாலும் கீழே விழுந்து விடும் அபாயம் உள்ளது. இதன் காரணமாக அந்த பகுதியை சேர்ந்த  பொதுமக்கள் மற்றும் வாகன ஓட்டிகள் அச்சத்துடன் கடந்து சென்று வருகின்றனர். எனவே ஆபத்தான நிலையில் உள்ள மின்கம்பத்தினால் அசம்பாவிதம் எதுவும் ஏற்படும் முன் மின்கம்பத்தை அகற்றிவிட்டு புதிய மின்கம்பம் அமைக்க சம்பந்தப்பட்ட அதிகாரிகள் நடவடிக்கை எடுப்பார்களா?

-பொதுமக்கள், அன்னவாசல்.