<
கட்டிட தொழிலாளிக்கு பீர்பாட்டில் குத்து; 3 பேர் கைது
ராமநாதபுரத்தில் கட்டிட தொழிலாளிக்கு பீர்பாட்டில் குத்து விழுந்தது. இது தொடர்பாக 3 பேர் கைது செய்யப்பட்டனர்.
ராமநாதபுரம்,
ராமநாதபுரம் இந்திராநகரை சேர்ந்தவர் கருப்பையா மகன் பழனி (வயது 38). கட்டிட தொழிலாளி. இவர் தனது நண்பரான ரஜினி என்பவருடன் ராமநாதபுரம் காட்டூரணி பகுதியில் உள்ள மதுக்கடைக்கு மதுக்குடிக்க சென்றுள்ளார். அப்போது அவர் வைத்திருந்த பணம் கீழே தவறி விழுந்துவிட்டதை தேடிக்கொண்டிருந்தார். அந்த வழியாக வந்த உடைச்சியார்வலசை துரைப்பாண்டி மகன் மோடி முகேஷ் (21), பாண்டிபெருங்குளம் முத்துகாமாட்சி மகன் ஜெகநாதன் (23), 18 வயது சிறுவன் ஆகிய 3 பேரும் சேர்ந்து இங்கு ஏன் மதுக்குடிக்க வந்தீர்கள் என்று கூறி தகராறில் ஈடுபட்டு பீர்பாட்டிலால் பழனியை சரமாரியாக குத்தியுள்ளனர். இதில் படுகாயமடைந்த பழனி சிகிச்சைக்காக ராமநாதபுரம் அரசு ஆஸ்பத்திரியில் அனுமதிக்கப்பட்டுள்ளார். இதுகுறித்து அவர் அளித்த புகாரின் அடிப்படையில் ராமநாதபுரம் கேணிக்கரை போலீசார் வழக்குபதிவு செய்து மோடி முகேஷ், ஜெகநாதன், 18 வயது சிறுவன் ஆகியோரை கைதுசெய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
