பிச்சி கிலோ ரூ.2,250-க்கு விற்பனை

ஆரல்வாய்மொழி:

தோவாளை மார்க்கெட்டில் பூக்கள் விலை உயர்ந்ததை தொடர்ந்து பிச்சி ஒரு கிலோ ரூ.2250 க்கு விற்பனையானது.

குமரி மாவட்டம் தோவாளையில் பூ மார்க்கெட் உள்ளது. இங்கு நெல்லை, மதுரை உள்பட பல ஊர்களில் இருந்தும் தினமும் லாரிகளில் பூக்கள் வருகின்றன. 

இந்த மார்க்கெட்டில் குமரி மாவட்ட பூ வியாபாரிகள் மட்டுமல்லாமல், அண்டை மாநிலமான கேரளாவில் இருந்தும் வியாபாரிகள் வந்து பூக்களை வாங்கி செல்வார்கள். இதனால் பூ மார்க்கெட்டில் காலை நேரத்தில் கூட்டம் அதிகமாக இருக்கும். 

இங்கு முகூர்த்த நாட்களில் பூக்களின் விலை உயர்ந்தும், பூக்கள் வரத்து அதிகரிக்கும் போது பூக்களின் விலை குறைந்தும் காணப்படும்.

இந்தநிலையில் நேற்று பூக்களின் வரத்து குறைந்ததாலும், இன்று (ஞாயிற்றுக்கிழமை) முகூர்த்த நாள் என்பதாலும் பூக்களின் விலை உயர்ந்தது. அதாவது நேற்று முன்தினம் ரூ.1,500-க்கு விற்பனையான ஒரு கிலோ பிச்சிப்பூ நேற்று ரூ.750 உயர்ந்து ரூ.2,250-க்கு விற்கப்பட்டது.

மற்ற பூக்களின் விலை விவரம் ஒரு கிலோவுக்கு வருமாறு:-

அரளி ரூ.150, மல்லி ரூ.1700, முல்லை ரூ.2000, சம்பங்கி ரூ.200, கனகாம்பரம் ரூ.500, வாடாமல்லி ரூ.70, துளசி ரூ.40, தாமரை ஒரு எண்ணம் ரூ.8, கோழிப்பூ ரூ.70, பச்சை ஒரு கட்டு ரூ.8, ரோஜா பாக்கெட் ரூ.30, பட்டன் ரோஜா ரூ.150, ஸ்ெடம்பு ரோஸ் ஒரு கட்டு ரூ.350, மஞ்சள் கேந்தி ரூ.50, சிவப்பு கேந்தி ரூ.70, சிவந்தி மஞ்சள் ரூ.150, சிவந்தி வெள்ளை ரூ.170, கொழுந்து ரூ.130, மருக்கொழுந்து ரூ.120  என விற்பனை ஆனது.