புதுக்கோட்டை நகராட்சியில் 332 வேட்பு மனுக்கள் ஏற்பு; 2 மனுக்கள் தள்ளுபடி

அறந்தாங்கி நகராட்சியில் 27 வார்டுகளில் கவுன்சிலர் பதவிக்கு அரசியல் கட்சியினர் மற்றும் சுயேட்சை வேட்பாளர்கள் என மொத்தம் 148 பேர் வேட்பு மனு தாக்கல் செய்து இருந்தனர். வேட்புமனு மீதான பரிசீலனை நேற்று நடைபெற்றது. இந்தநிலையில் ஒரே வார்டில் 2 வேட்பு மனு தாக்கல் செய்த 6-வது வார்டு முத்து (என்கிற) சுப்பிரமணியன் (தி.மு.க.), 12-வது வார்டு ராஜேந்திரன் (தி.மு.க.), 24-வது வார்டு சுயேட்சை வேட்பாளர் ரேணுகா ஆகியோரது ஒரு மனுக்கள் நிராகரிக்கப்பட்டன.

இதேபோல் 25-வது வார்டில் தி.மு.க. சார்பில் போட்டியிடும் சையத்தம்மாளை எதிர்த்து சர்மிளாபேகம் என்பவர் சுயேட்சையாக போட்டியிடுகிறார். இந்த நிலையில் அவரது குற்றப்பின்னணி குறித்து மனுவில் பூர்த்தி செய்யவில்லை என சையத்தம்மாள் தேர்தல் அலுவலரிடம் மனு கொடுத்தார். இதையடுத்து நாளை (திங்கட்கிழமை) காலை 9.55 மணிக்குள் இருதரப்பினரும் ஆதாரத்தை தாக்கல் செய்ய வேண்டும். ஆதாரத்தை தாக்கல் செய்யவில்லை என்றால் மேற்படி வேட்புமனு ஏற்றுக்கொள்ளப்பட்டதாக அறிவிக்கப்படும் என தேர்தல் அதிகாரிகள் தெரிவித்தனர். மேலும் அறந்தாங்கி நகராட்சியில் 147 வேட்பு மனுக்கள் ஏற்றுக்கொள்ளப்பட்டதாகவும், ஒருவரது மனு பரிசீலனையில் இருப்பதாகவும் அதிகாரிகள் தெரிவித்தனர்.