<
தேவூரில் உரிய ஆவணங்கள் இன்றி சரக்கு ஆட்டோவில் கொண்டு சென்ற 570 சேலைகள் பறிமுதல் பறக்கும் படையினர் அதிரடி
தேவூரில் சரக்கு ஆட்டோவில் உரிய ஆவணங்கள் இன்றி கொண்டு செல்லப்பட்ட 570 சேலைகளை பறக்கும் படையினர் அதிரடியாக பறிமுதல் செய்தனர்.
தேவூர்,
தேவூர் பேரூராட்சி தேர்தல்
சேலம் மாவட்டம் தேவூர் பேரூராட்சிக்கு வருகிற 19-ந் தேதி நகர்ப்புற உள்ளாட்சி தேர்தல் நடக்கிறது. இதையொட்டி வாக்காளர்களுக்கு பணம் மற்றும் பரிசு பொருட்கள் கொடுப்பதை தடுக்க பறக்கும் படை அமைக்கப்பட்டுள்ளது. இந்த பறக்கும் படையை சேர்ந்த அதிகாரிகள் பேரூராட்சிக்குட்பட்ட பகுதிகளில் தீவிர வாகன சோதனையில் ஈடுபட்டு வருகிறார்கள்.
இந்தநிலையில் நேற்று தேர்தல் பறக்கும் படை அலுவலர் ரங்கராஜன் தலைமையில், அதிகாரிகள் தேவூர் பேரூராட்சிக்குட்பட்ட அண்ணமார் கோவில் பகுதியில் வாகன சோதனையில் ஈடுபட்டனர். அப்போது அந்த வழியாக வந்த சரக்கு ஆட்டோவை நிறுத்தி சோதனை செய்தனர்.
570 சேலைகள் பறிமுதல்
அதில் 10-க்கும் மேற்பட்ட பண்டல்களில் 570 சேலைகள் இருந்தது கண்டுபிடிக்கப்பட்டது. இதுகுறித்து சரக்கு ஆட்டோ டிரைவரிடம் விசாரணை நடத்தப்பட்டது.
அப்போது நாமக்கல் மாவட்டம் குமாரபாளையம் பகுதியில் இருந்து, சேலம் மாவட்டம் இளம்பிள்ளையில் உள்ள ஒரு ஜவுளிக்கடைக்கு சேலைகள் கொண்டு செல்லப்பட்டதும், அதற்கு உரிய ஆவணங்கள் இல்லை என்பதும் தெரிந்தது.
இதையடுத்து பறக்கும் படையினர் 570 சேலைகளை அதிரடியாக பறிமுதல் செய்து, பேரூராட்சி அலுவலகத்தில் செயல் அலுவலர் ரேவதியிடம் ஒப்படைத்தனர்.
ஒப்படைப்பு
இதனிடையே சேலைகளின் உரிமையாளரான குமாரபாளையம் காவேரி நகரை சேர்ந்த தறிப்பட்டறை அதிபர் பழனிசாமி தேவூர் பேரூராட்சிக்கு வந்தார். அவர் சேலைகளுக்கான உரிய ஆவணங்களை அதிகாரிகளிடம் கொடுத்தார். இதையடுத்து சேலைகள் பழனிசாமியிடம் ஒப்படைக்கப்பட்டன.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
