மூங்கில்துறைப்பட்டு அருகே டிராக்டர் மோதி விவசாயி பலி

மூங்கில்துறைப்பட்டு

மூங்கில்துறைப்பட்டு அருகே உள்ள புதுப்பட்டு பகுதியை சேர்ந்தவர் கேசவன்(வயது 57). விவசாயியான இவர் நேற்று மாலை ராவத்தநல்லூரில் இருந்து  மோட்டார் சைக்கிளில் புதுப்பட்டு நோக்கி சென்று கொண்டிருந்தார். புதுப்பட்டு பஸ் நிறுத்தம் அருகே வந்தபோது எதிரே வந்த டிராக்டர் கேசவன் ஓட்டி வந்த மோட்டார் சைக்கிள் மீது பயங்கரமாக மோதியது. இதில் படுகாயம் அடைந்த அவர் சிகிச்சைக்காக அரசு ஆஸ்பத்திரிக்கு செல்லும் வழியில் பரிதாபமாக இறந்தார். இது குறித்து வடபொன்பரப்பி போலீசார் வழக்குப்பதிவு செய்து விசாரணை நடத்தி வருகின்றனர்.