<
தூத்துக்குடி அருகே ஆடு திருடிய 2 வாலிபர்கள் கைது கார் பறிமுதல்
ஆடு திருடிய 2 வாலிபர்கள் கைது செய்யப்பட்டனர்
தூத்துக்குடி:
தூத்துக்குடி அருகே ஆடு திருடிய 2 வாலிபர்கள் கைது செய்யப்பட்டனர். அவர்களிடமிருந்து ஆடு மற்றும் திருடுவதற்கு பயன்படுத்தப்பட்ட கார் ஆகியவை பறிமுதல் செய்யப்பட்டது.
ஆடு திருட்டு
தூத்துக்குடி அருகே கீழ தட்டப்பாறை வடக்கு தெருவை சேர்ந்த ஆறுமுகநயினார் மகன் கொம்பையா. இவர் கீழ தட்டப்பாறை பகுதியில் உள்ள ஒரு கல்குவாரி அருகே கொட்டகை அமைத்து ஆடுகள் வளர்த்து வருகிறார்.
இந்த ஆட்டு கொட்டகையில் கடந்த 3-ந்தேதி ஆடு ஒன்று திருட்டு போனது. இதுகுறித்து கொம்பையா தட்டப்பாறை போலீஸ் நிலையத்தில் புகார் அளித்தார்.
கைது
அதன்பேரில் தட்டப்பாறை போலீசார் விசாரணை மேற்கொண்டனர். அப்போது, தட்டப்பாறை வடக்கு தெருவை சேர்ந்த பூல்காளை மகன் பூல்ராஜ் (வயது 21), தூத்துக்குடி டூவிபுரத்தை சேர்ந்த கருப்பசாமி மகன் சுப்பிரமணியன் (26) ஆகிய 2 பேரும் சேர்ந்து ஆட்டை திருடியது தெரியவந்தது.
இதனை தொடர்ந்து தட்டப்பாறை போலீஸ் சப்-இன்ஸ்பெக்டர் ராமச்சந்திரன் வழக்குப்பதிவு செய்து பூல்ராஜ் மற்றும் சுப்பிரமணியன் ஆகிய 2 பேரையும் கைது செய்தார்.
மேலும் அவர்களிடமிருந்து ரூ.15 ஆயிரம் மதிப்பிலான ஆட்டையும், திருடுவதற்குப் பயன்படுத்தப்பட்ட காரையும் பறிமுதல் செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
