தொழிலாளி தூக்குப்போட்டு தற்கொலை

நெல்லை:

நெல்லை அருகே உள்ள செங்குளம் பகுதியை சேர்ந்தவர் செல்லப்பா (வயது 42). கூலித்தொழிலாளி. இவர் கடந்த சில நாட்களுக்கு முன்பு தனது மனைவியுடன் தகராறில் ஈடுபட்டு அவரை தாக்கியதாக கூறப்படுகிறது. இதுகுறித்த புகாரின் பேரில் முன்னீர்பள்ளம் போலீசார் வழக்குப்பதிவு செய்து செல்லப்பாவை கைது செய்து சிறையில் அடைத்தனர். இதற்கிடையே அவரது மனைவி அவரை பிரிந்து சென்றுவிட்டார். இந்த நிலையில் செல்லப்பா தற்போது ஜாமீனில் வெளியே வந்தார்.

மனைவி பிரிந்து சென்றதால் மனமுடைந்து காணப்பட்ட செல்லப்பா நேற்று முன்தினம் வீட்டில் தூக்குப்போட்டு தற்கொலை செய்து கொண்டார். இதுகுறித்து தகவல் அறிந்த முன்னீர்பள்ளம் போலீசார் சம்பவ இடத்திற்கு சென்று அவரது உடலை கைப்பற்றி பிரேத பரிசோதனைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர். 

மேலும் இதுகுறித்து வழக்குப்பதிவு செய்து விசாரணை நடத்தி வருகின்றனர்.