நெல்லை: விபத்தில் காயமடைந்த மூதாட்டி சாவு

நெல்லை:

பாளையங்கோட்டை சமாதானபுரம் பகுதியில் சம்பவத்தன்று 60 வயது மதிக்கத்தக்க மூதாட்டி ஒருவர் நடந்து சென்று கொண்டிருந்தார். அப்போது அந்த பகுதியில் வந்த அடையாளம் தெரியாத வாகனம் அந்த மூதாட்டியின் மீது மோதி விட்டு நிற்காமல் சென்றுவிட்டது. இதில் படுகாயமடைந்த அந்த மூதாட்டியை அருகில் இருந்தவர்கள் மீட்டு சிகிச்சைக்காக பாளையங்கோட்டை ஐகிரவுண்டு அரசு ஆஸ்பத்திரியில் சேர்த்தனர். ஆனால் அங்கு சிகிச்சை பலனின்றி அந்த மூதாட்டி நேற்று பரிதாபமாக உயிர் இழந்தார். நெல்லை மாநகர போக்குவரத்து புலனாய்வு பிரிவு போலீசார் வழக்குப்பதிவு செய்து அந்த மூதாட்டி யார்? என்பது குறித்து விசாரணை நடத்தி வருகின்றனர்.