<
லோன் செயலிகள் மூலம் கடன் பெறுவதை பொதுமக்கள் தவிர்க்க வேண்டும் - போலீஸ் கமிஷனர் வேண்டுகோள்
லோன் செயலிகள் மூலம் கடன் பெறுவதை தவிர்க்க வேண்டும் என்று பொதுமக்களுக்கு போலீஸ் கமிஷனர் சங்கர் ஜிவால் வேண்டுகோள் விடுத்துள்ளார்.
சென்னை,
இது தொடர்பாக சென்னை மத்திய குற்றப்பிரிவின் சைபர் கிரைம் போலீசார் நேற்று வெளியிட்ட செய்திக்குறிப்பில் கூறி இருப்பதாவது:-
லோன் செயலி மூலம் பொதுமக்கள் கடன் வாங்குவது சமீப காலமாக அதிகரித்து வருகிறது. பொதுமக்கள் இதை தவிர்க்க வேண்டும். இதுபோல் வாங்கும் கடனுக்கு வட்டி அதிகமாக வசூலிக்கப்படுகிறது. மேலும் கேட்கும் கடன் தொகையில் 30 சதவீதத்தை பிராசசிங் செலவு என்று பிடித்து கொள்வார்கள்.
உதாரணத்துக்கு ரூ.5 ஆயிரம் கடன் கேட்டால், பிராசசிங் செலவாக ரூ.1,500-ஐ பிடித்துக்கொண்டு, ரூ.3,500 மட்டுமே தருவார்கள். ஆனால் ரூ.5 ஆயிரத்தை வட்டியுடன் திருப்பிச்செலுத்த வேண்டும்.
இந்த கடனை குறிப்பிட்ட காலத்துக்குள் திருப்பி செலுத்தாவிட்டால், வட்டி மிகவும் அதிகமாக உயர்ந்து கொண்டே போகும். ஒரு கட்டத்தில் கடன் வாங்கியவர்களை மிரட்டுவார்கள். பின்னர் நாளாக, நாளாக கடன் வாங்கியவர்களை அவமானப்படுத்தி, மன உளைச்சலை உண்டாக்குவார்கள்.
எனவே பொதுமக்கள் தங்களது அவசர தேவைக்கு லோன் செயலிகள் மூலம் கடன் வாங்க வேண்டாம், என்று போலீஸ் கமிஷனர் சங்கர்ஜிவால் வேண்டுகோள் விடுத்துள்ளார்.
இவ்வாறு அந்த செய்திக்குறிப்பில் தெரிவிக்கப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
