கணவருடன் மோட்டார் சைக்கிளில் சென்ற பெண்ணிடம் தாலி சரடு பறிப்பு

தினத்தந்தி 13 Feb 2022 11:36 PM IST (Updated: 13 Feb 2022 11:36 PM IST)

கணவருடன் மோட்டார் சைக்கிளில் சென்ற பெண்ணிடம் தாலி சங்கிலியை மர்ம நபர் பறித்து சென்றார்.

தூசி

திருவண்ணாமலை மாவட்டம் வெம்பாக்கம் தாலுகா பாவூர் கிராமம் மாரியம்மன் கோவில் தெருவை சேர்ந்தவர் சத்யா (வயது 36). இவர் தனது கணவர் ஏகாம்பரத்துடன் மோட்டார் ைசக்கிளில் காஞ்சீபுரத்தில் உள்ள மருந்துக்கடைக்கு சென்று மருந்து வாங்கி கொண்டு, அங்கிருந்து திரும்பி வீட்டுக்கு வந்து கொண்டிருந்தார்.

வந்தவாசி-காஞ்சீபுரம் சாலையில் தூசியில் உள்ள ஒரு பெட்ரோல் பங்க் எதிரில் வரும் போது, அந்த வழியாக பின்னால் மோட்டார் சைக்கிளில் வந்த மர்மநபர் திடீெரன சத்யா அணிந்திருந்த 4½ பவுன் தாலி சரடை பறித்துக்கொண்டு மின்னல் வேகத்தில் சென்றுவிட்டார்.

இதுகுறித்து தூசி போலீசில் கொடுத்த புகாரின் பேரில் இன்ஸ்பெக்டர் அண்ணாதுரை மற்றும் சப்-இன்ஸ்பெக்டர் ரவிச்சந்திரன் ஆகியோர் வழக்குப்பதிவு செய்து மர்மநபரை தேடி வருகின்றனர்.