ரேஷன் அரிசி கடத்திய சரக்கு ஆட்டோ பறிமுதல்

அருப்புக்கோட்டை, 

அருப்புக்கோட்டை அருகே பாளையம்பட்டி யாதவர் தெரு ரேஷன் கடை அருகே சரக்கு ஆட்டோ ஒன்று வந்து கொண்டு இருந்தது. அந்த ஆட்டோவை தடுத்து நிறுத்தி பொதுமக்கள் டிரைவரிடம் விசாரித்தனர். அப்போது டிரைவர் முன்னுக்கு பின் முரணாக பதில் அளித்து அங்கிருந்து தப்பி ஓடினார். இதனால் சந்தேகம் அடைந்த பொதுமக்கள் ஆட்டோவில் சோதனை செய்து பார்த்த போது அதில் ரேஷன் அரிசி 40 மூடைகளில் இருந்தது தெரியவந்தது. இதுகுறித்து பொதுமக்கள், டவுன்  போலீசாருக்கு தகவல் தெரிவித்தனர். போலீசார் அரிசி மூடைகளுடன் சரக்கு ஆட்டோவை பறிமுதல் செய்தனர். தப்பி ஓடிய டிரைவரை வலைவீசி தேடி வருகின்றனர்.