<
காதலர் தினத்தையொட்டி நாமக்கல்லில் ரோஜா பூ ரூ.50-க்கு விற்பனை
காதலர் தினத்தையொட்டி நேற்று நாமக்கல்லில் ரோஜா பூ ரூ.50-க்கு விற்பனை செய்யப்பட்டது.
நாமக்கல்:
காதலர் தினத்தையொட்டி நேற்று நாமக்கல்லில் ரோஜா பூ ரூ.50-க்கு விற்பனை செய்யப்பட்டது.
காதலர் தினம்
காதலர் தினம் நேற்று உலகம் முழுவதும் உற்சாகமாக கொண்டாடப்பட்டது. அதேபோல் நாமக்கல் நகரிலும் நேற்று காதலர் தினத்தையொட்டி காதலர்கள், தங்களது காதலிக்கு பரிசு பொருட்கள் வாங்கி கொடுத்து தங்களது மகிழ்ச்சியை வெளிப்படுத்தினர்.
இதையொட்டி நாமக்கல் பஸ் நிலையம், ஆஞ்சநேயர் கோவில், நரசிம்மசாமி கோவில், ரெங்கநாதர் கோவில் மற்றும் மலைக்கோட்டை பகுதிகளில் ஆங்காங்கே காதலர்கள் ஜோடியாக சென்றதை காணமுடிந்தது.
ரோஜா பூ ரூ.50-க்கு விற்பனை
இதற்கிடையே காதலர் தினத்தையொட்டி நேற்று ரோஜா பூவுக்கு கடும் கிராக்கி இருந்தது. இதனால் சாதாரண நாட்களில் ரூ.10 மற்றும் ரூ.20-க்கு விற்பனை செய்யப்பட்ட ரோஜா பூக்கள் நேற்று ரூ.50 வரை விற்பனையானது. இருப்பினும் விலையை பொருட்படுத்தாத காதலர்கள், ரோஜா பூக்களை வாங்கி தங்களது காதலிக்கு பரிசாக கொடுத்து மகிழ்ச்சியை வெளிபடுத்தினர்.
மேலும் திருமணமான கணவர்கள், அவர்களின் காதலை மனைவிக்கு வெளிப்படுத்தும் வகையில் ரோஜா பூக்களை வாங்கி கொடுப்பதையும் காணமுடிந்தது. அதேபோல் காதலர்கள் அத்துமீறல்களில் ஈடுபடுகிறார்களா? என்பதை கண்காணிக்கும் பணியில் போலீசார் ஈடுபட்டு இருந்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
