<
மோட்டார் சைக்கிளில் சாராயம் கடத்திய வாலிபர் சுவரில் மோதி பலி
மோட்டார் சைக்கிளில் சாராயம் கடத்திய வாலிபர் சுவரில் மோதி பலியானார்.
குடியாத்தம்
வேலூர் மாவட்டம் குடியாத்தத்தில் இருந்து பரவக்கல் செல்லும் சாலையில் செட்டிகுப்பம் சுடுகாடு அருகே சாலையின் வளைவில் நேற்று காலை மோட்டார் சைக்கிளில் வேகமாக சென்ற வாலிபர் ஒருவர் நிலை தடுமாறி சாலை ஓரத்தில் இருந்த வீட்டின் சுவர் மீது மோதி உள்ளார். இந்த விபத்தில் அவர் சம்பவ இடத்திலேயே பரிதாபமாக இறந்தார்.
இந்த விபத்து குறித்து அப்பகுதி பொதுமக்கள் உடனடியாக குடியாத்தம் போலீசாருக்கு தகவல் தெரிவித்தனர். தகவல் அறிந்து விரைந்து வந்த குடியாத்தம் தாலுகா போலீஸ் இன்ஸ்பெக்டர் கணபதி, சப்-இன்ஸ்பெக்டர் சிவச்சந்திரன் ஆகியோர் விபத்தில் இறந்த வாலிபரின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.
மேலும் தீவிர விசாரணை நடத்தியதில் விபத்தில் இறந்த வாலிபர் பேர்ணாம்பட்டு அடுத்த சாத்கர் கள்ளிச்சேரி பகுதியைச் சேர்ந்த ரமேஷ் மகன் சகாயம் (வயது 22) என்பதும், மோட்டார் சைக்கிளில் லாரி டியூப்பில் சாராயம் கொண்டு செல்லும்போது விபத்து ஏற்பட்டு இறந்ததும் தெரியவந்தது. இந்த சம்பவம் தொடர்பாக தாலுகா போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
