லாரியில் குண்டு கற்கள் ஏற்றி வந்தவர் கைது

நெல்லை:

பாளையங்கோட்டை கூடுதல் துணை தாசில்தார் பழனி மற்றும் அலுவலர்கள் பாளையங்கோட்டை அருகே உள்ள சீவலப்பேரி ஆற்றுப்பாலம் அருகே வாகன சோதனையில் ஈடுபட்டிருந்தனர். அப்போது அந்த பகுதியில் வந்த ஒரு டிப்பர் லாரியை மறித்து சோதனை செய்தனர். அதில் குண்டு கற்கள் இருந்தது தெரியவந்தது. உடனே இதுகுறித்து லாரி டிரைவரிடம் விசாரணை நடத்தினர். அப்போது அவர் மறுகால்தலை வடக்கு தெருவை சேர்ந்த மாரியப்பன் (வயது 37) என்பதும், உரிய அனுமதி இன்றி குண்டு கற்களை ஏற்றி வந்ததும் தெரியவந்தது. இதுகுறித்து பழனி சீவலப்பேரி போலீசில் புகார் அளித்தார். அதன்பேரில் போலீசார் வழக்கு பதிவு செய்து மாரியப்பனை கைது செய்து, அவரிடமிருந்து 2 யூனிட் குண்டு கற்களை லாரியுடன் பறிமுதல் செய்தனர்.