தினத்தந்திபுகார் பெட்டி

போக்குவரத்துக்கு இடையூறாக நிறுத்தப்படும் வாகனங்கள்

தஞ்சை ராமநாதன் ரவுண்டானா முதல் மேரீஸ்கார்னர் வழியாக செல்லும் சாலையை தினமும் நூற்றுக்கும் மேற்பட்ட பொதுமக்கள் பயன்படுத்தி வருகின்றனர். இந்த நிலையில் மேற்கண்ட வழித்தடத்தில் உள்ள சாலையின் இருபுறமும் போக்குவரத்துக்கு இடையூறாக இருசக்கர வாகனங்கள் மற்றும் கார்கள் நிறுத்தப்படுகிறது. இதனால் அந்த வழியாக செல்லும் பொதுமக்கள், வாகன ஓட்டிகள் மிகுந்த சிரமத்திற்குள்ளாகி வருகின்றனர். மேலும், போக்குவரத்துக்கு இடையூறாக வாகனங்கள் நிறுத்தப்படுவதால் அந்தப் பகுதியில் அடிக்கடி போக்குவரத்து நெரிசலும் ஏற்படுகிறது. எனவே, சம்பந்தப்பட்ட அதிகாரிகள் மேற்கண்ட சாலையின் இருபுறமும் போக்குவரத்துக்கு இடையூறாக வாகனங்கள் நிறுத்தப்படுவதை தடுக்க நடவடிக்கை எடுப்பார்களா?

-பொதுமக்கள், தஞ்சை.