<
வீட்டில் மயங்கி விழுந்த நர்சிங் மாணவி சாவு
வேதாரண்யத்தில் வீட்டில் மயங்கி விழுந்த நர்சிங் மாணவி சிகிச்சை பலனின்றி உயிரிழந்தார். இதுதொடர்பாக போலீசார் விசாரணை நடத்தி வருகின்றனர்
வேதாரண்யம்:
வேதாரண்யத்தில் வீட்டில் மயங்கி விழுந்த நர்சிங் மாணவி சிகிச்சை பலனின்றி உயிரிழந்தார். இதுதொடர்பாக போலீசார் விசாரணை நடத்தி வருகின்றனர்.
நர்சிங் மாணவி
நாகை மாவட்டம் வேதாரண்யம் நகராட்சி கைலவனம்பேட்டை பகுதியை சேர்ந்தவர் சண்முகவேல். இவருடைய மகள் சினேகா(வயது 19). தனியார் நர்சிங் பள்ளியில் படித்து வந்த இவர், வயிற்று வலியால் அவதிப்பட்டு வந்ததாக கூறப்படுகிறது.
சம்பவத்தன்று சினேகா வீட்டில் வாந்தி எடுத்து மயங்கி கிடந்தார். உடனே அக்கம் பக்கத்தினர் அவரை மீட்டு சிகிச்சைக்காக வேதாரண்யம் அரசு ஆஸ்பத்திரியில் அனுமதித்தனர்.
சிகிச்சை பலனின்றி சாவு
அங்கு முதலுதவி சிகிச்சை அளிக்கப்பட்டு மேல்சிகிச்சைக்காக திருவாரூர் அரசு மருத்துவக்கல்லூரி ஆஸ்பத்திரிக்கு அனுப்பி வைத்தனர். அங்கு சிகிச்சை பலனின்றி சினேகா பரிதாபமாக உயிரிழந்தார்.
இதுகுறித்த புகாரின் பேரில் வேதாரண்யம் போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
