சங்கராபுரம் அருகே கார் மோதி ஒருவர் சாவு

சங்கராபுரம்

சங்கராபுரம் அருகே உள்ள பரமநத்தம் கிராமத்தைச் சேர்ந்தவர் கண்ணன் மகன் யூசுப் என்கிற சின்னத்தம்பி(வயது 44). கடந்த வாரம் வெளிநாட்டில் இருந்து சொந்த ஊர் வந்த இவர் நேற்று மாலை மோட்டார் சைக்கிளில் பரமநத்தத்தில் இருந்து மேலேறி பஸ் நிறுத்தம் அருகே சென்று கொண்டிருந்தபோது சங்கராபுரத்தில் இருந்து கள்ளக்குறிச்சி நோக்கி வந்த கார் யூசுப் ஓட்டி வந்த மோட்டார் சைக்கிள் மீது பயங்கரமாக மோதியது. இதில் படுகாயம் அடைந்த அவர் சம்பவ இடத்திலேயே பரிதாபமாக  இறந்தார். இந்த விபத்து குறித்து சங்கராபுரம் போலீசார் வழக்குப்பதிவு செய்து விசாரணை நடத்தி வருகிறார்கள்.