<
சென்னையிலிருந்து அரக்கோணம் வந்த மின்சார ரெயிலில் அடையாளம் தெரியாத வாலிபர் பிணம்
சென்னையிலிருந்து அரக்கோணம் வந்த மின்சார ரெயிலில் வாலிபர் ஒருவர் இறந்து கிடந்தார்.
அரக்கோணம்
சென்னை சென்ட்ரலில் இருந்து நேற்று முன்தினம் நள்ளிரவு அரக்கோணம் ரெயில் நிலையத்திற்கு மின்சார ரெயில் வந்்தது. பயணிகள் அனைவரும் இறங்கிய நிலையில் சுமார் 35 வயது மதிக்கத்தக்க வாலிபர் இருக்கையில் சாய்ந்த நிலையில் இருந்தார்.
தகவல் அறிந்த ரெயில்வே போலீஸ் சப்- இன்ஸ்பெக்டர் ஆனந்தன் மற்றும் போலீசார் அந்த நபரை மீட்டு அரக்கோணம் அரசு மருத்துவமனைக்கு கொண்டு சென்றனர். அங்கு டாக்டர்கள் பரிசோதித்தபோது அந்த நபர் ஏற்கனவே இறந்து விட்டதாக தெரிவித்தனர். இறந்த வாலிபர் மஞ்சள், வெள்ளை நிற கோடு போட்ட அரை கை பனியன் மற்றும் கருப்பு நிற பேண்ட் அணிந்திருந்தார்.
மேலும், கைகளில் ஜெ.பி. என்றும் சிலுவையும் பச்சை குத்தியுள்ளார். இறந்த வாலிபர் யார், எந்த ஊரை சேர்ந்தவர் என்று அரக்கோணம் ரெயில்வே போலீசார் விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
