மூங்கில்துறைப்பட்டு அருகே நீர்வீழ்ச்சியில் குளித்தபோது தவறி விழுந்து மெக்கானிக் பலி

மூங்கில்துறைப்பட்டு

கடலூர் மாவட்டம் நெல்லிக்குப்பம் சுல்தான்பேட்டை பகுதியை சேர்ந்தவர் அப்துல்சத்தார் மகன் முகம்மது இஸ்மாயில்(வயது 28). ஆட்டோமொபைல் மெக்கானிக்கான இவர் சம்பவத்தன்று தனது நண்பர்கள் 6 பேருடன் கல்வராயன் மலையை சுற்றிப்பார்க்க சென்றார். அப்போது மூங்கில்துறைப்பட்டு அருகே உள்ள கொடியனூர் மலை பகுதியில் உள்ள நீர்வீழ்ச்சியில் அவர்கள் குளித்தனர்.

இதில் முகமது இஸ்மாயில் பாறையில் கால் வழுக்கியதால் தவறி கீழே தண்ணீர் தேங்கிய பகுதியில் விழுந்து நீரில் மூழ்கினார். நீண்ட நேரமாகியும் அவரை காணாததால் தகவல் அறிந்து வந்த சங்கராபுரம் தீயணைப்பு துறையினர் நீர் வீழ்ச்சியில் இறங்கி முகமது இஸ்மாயில் உடலை தேடி கண்டுபிடித்தனர். பின்னர் அவரது உடலை பிரேத பரிசோதனைக்காக கள்ளக்குறிச்சி அரசு ஆஸ்பத்திரிக்கு வட பொன்பரப்பி போலீசார் அனுப்பி வைத்தனர். மேலும் இது தொடர்பாக வழக்குப் பதிவு செய்து விசாரணை நடத்தி வருகின்றனர்.