தினத்தந்தி புகார் பெட்டி

தார்ச்சாலை வேண்டும்

வல்லம் பேரூராட்சி மின்நகர், திருவள்ளுவர் தெருவில் பல ஆண்டுகளாக தார்ச்சாலை அமைத்து தரப்படவில்லை. தற்போது அந்த பகுதியில் உள்ள மண்சாலை குண்டும், குழியுமாக காணப்படுகிறது. மழை காலங்களில் சேறும், சகதியுமாக காட்சி அளிக்கிறது. இதனால் அந்த வழியாக செல்லும் பொதுமக்கள் மற்றும் மாணவ-மாணவிகள் அவதிப்படுகின்றனர். மேலும் அந்த பகுதியில் கழிவுநீர் செல்ல கழிவுநீர் வாய்க்கால் வசதி இல்லை. இதனால் கழிவுநீர் தேங்கி துர்நாற்றம் வீசுவதால் தொற்றுநோய் பரவும் அபாயம் உள்ளது. எனவே சம்பந்தப்பட்ட அதிகாரிகள் தார்ச்சாலை அமைத்து, கழிவுநீர் செல்ல கழிவுநீர் வாய்க்கால் வசதி ஏற்படுத்தி தர நடவடிக்கை எடுக்க வேண்டும் என்று அப்பகுதி பொதுமக்கள் கோரிக்கை விடுத்துள்ளனர். 

-பொதுமக்கள், வல்லம்.