<
டிரைவர் தூக்கக்கலக்கத்தில் எழுந்து வந்தபோது கால் தவறி விழுந்து சாவு
மொட்டைமாடியில் தூங்கி கொண்டிருந்த டிரைவர் தூக்கக்கலக்கத்தில் எழுந்து வந்தபோது கால் தவறி விழுந்து சாவு
ஆரணி
திருவண்ணாமலை மாவட்டம் களம்பூர் ஆஸ்பத்திரி தெருவைச் சேர்ந்தவர் சசிகுமார் (வயது 32), டிரைவர். இவருக்கு இன்னும் திருமணம் ஆகவில்லை.
வாடகை வீட்டில் தனியாக வசித்து வந்த அவர் 12-ந்தேதி அதிகாலை வீட்டின் மொட்டைமாடியில் தூங்கி கொண்டிருந்தார்.
சசிகுமார் திடீரென எழுந்து படிக்கட்டு வழியாக இறங்க முயன்றபோது, மொட்டை மாடியில் இருந்து தவறி கீழே விழுந்தார்.
அதில் பலத்தகாயம் அடைந்த அவரை அங்கிருந்தவர்கள் மீட்டு ஆரணி அரசு மருத்துவமனையில் சேர்த்தனர். அங்கு, அவருக்கு முதலுதவி அளித்து, மேல் சிகிச்சைக்காக வேலூர் அரசு மருத்துவமனையில் அனுமதித்தனர். அங்கு, சிகிச்சை பலனின்றி சசிகுமார் பரிதாபமாக உயிரிழந்தார்.
இதுகுறித்து சசிகுமாரின் அண்ணன் தமிழரசன் களம்பூர் போலீசில் புகார் செய்தார். சப்-இன்ஸ்பெக்டர் விநாயகம் வழக்குப்பதிவு செய்து விசாரணை நடத்தி வருகிறார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
