<
பாலியல் துன்புறுத்தல் செய்ய முயன்ற வாலிபர் கைது
பெண்ணின் வாயில் துணியை திணித்து பாலியல் துன்புறுத்தல் செய்ய முயன்ற வாலிபர் கைது
வாணாபுரம்
வாணாபுரம் அருகே உள்ள தொண்டமானூர் கிராமத்தைச் சேர்ந்த 30 வயது மதிக்கத்தக்க பெண் ஒருவர் விவசாய நிலத்தில் மணிலா பயிர்களை குரங்குகள் சேதம் செய்யப்பட்டு வருவதால் காவல் காக்கும் பணியில் ஈடுபட்டுக் கொண்டிருந்தார்.
அப்போது அதே பகுதியை சேர்ந்தவர் ராஜதுரை (வயது 25) என்பவர் அங்கு வந்து, அந்த பெண்ணை புதர் பகுதிக்கு இழுத்துச் சென்று வாயில் துணியை வைத்து பாலியல் துன்புறுத்தல் செய்ய முயன்றதாக கூறப்படுகிறது.
இதனால் அந்த பெண் கூச்சலிட்டு அங்கிருந்து தப்பி ஓடி வந்து அப்பகுதியில் உள்ளவர்களுக்கு தகவல் தெரிவித்தார்.
இதனையடுத்து ராஜதுரையை பொதுமக்கள் மடக்கிப் பிடித்து வாணாபுரம் போலீஸ் நிலையத்தில் ஒப்படைத்தனர். மேலும் அந்த பெண்ணை சிகிச்சைக்காக திருவண்ணாமலை அரசு மருத்துவமனையில் சேர்த்தனர்.
இதுகுறித்த புகாரின்பேரில் வாணாபுரம் போலீசார் வழக்குப்பதிவு செய்து ராஜதுரையை கைது செய்தனர்.
மேலும் திருவண்ணாமலை கிராமிய துணை போலீஸ் சூப்பிரண்டு அண்ணாதுரை, இன்ஸ்பெக்டர் தனலட்சுமி ,சப்-இன்ஸ்பெக்டர்கள் உதயசூரியன், சக்திவேல், முருகன் உள்ளிட்டவர்கள் சம்பவ இடத்திற்கு சென்று விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
