<
ஊரக திறனாய்வு தேர்வில் 5100 மாணவ மாணவிகள் பங்கேற்பு
திருவண்ணாமலை மாவட்டத்தில் 21 மையங்களில் நடந்த ஊரக திறனாய்வு தேர்வை 5100 மாணவ மாணவிகள் எழுதினர்.
திருவண்ணாமலை
திருவண்ணாமலை மாவட்டத்தில் 21 மையங்களில் நடந்த ஊரக திறனாய்வு தேர்வை 5,100 மாணவ-மாணவிகள் எழுதினர்.
ஊரக திறனாய்வு தேர்வு
தமிழகத்தில் ஊரக பகுதிகளில் 9-ம் வகுப்பு படிக்கும் மாணவர்களுக்கு கல்வி உதவித்தொகை வழங்குவதற்கான ஊரக திறனாய்வு ஆண்டுதோறும் நடத்தப்படுகிறது.
கிராமப்புற பகுதிகளில் அரசு அங்கீகாரம் பெற்ற பள்ளிகளில் நடப்பு கல்வியாண்டில் படிக்கும் 9-ம் வகுப்பு மாணவ-மாணவிகள் இந்த தேர்வை எழுதலாம்.
இந்த தேர்வில் வெற்றி பெறும் மாணவர்களுக்கு 9 முதல் பிளஸ்-2 வரை ரூ.1,000 வீதம் கல்வி உதவித்தொகை வழங்கப்படும்.
இந்தாண்டிற்கான ஊரக திறனாய்வு தேர்வு இன்று நடைபெற்றது. திருவண்ணாமலை மாவட்டத்தில் 21 மையங்களில் இந்த தேர்வு நடத்தப்பட்டது.
5100 ேபர் எழுதினர்
இதற்கு மாவட்ட முழுவதும் இருந்து 5 ஆயிரத்து 268 மாணவ-மாணவிகள் விண்ணப்பித்து இருந்தனர். இன்று நடைபெற்ற தேர்வில் 5,100 மாணவ-மாணவிகள் பங்கேற்றனர். மீதமுள்ள 168 மாணவர்கள் தேர்வு எழுத வரவில்லை.
ஊரக திறனாய்வு தேர்வு காலை 10 முதல் மதியம் 12 மணி வரை நடந்தது. இதையொட்டி காலை 9 மணி முதல் மாணவர்கள் தேர்வு மையங்களுக்கு வரத்தொடங்கினார்கள்.
மாணவ-மாணவிகள் பலத்த சோதனைக்கு பின்னரே தேர்வு அறைக்குள் அனுமதிக்கப்பட்டனர். செல்போன், கைக்கெடிகாரம், கால்குலேட்டர், ஹெட்போன் உள்ளிட்ட எலக்ட்ரானிக் பொருட்கள் கொண்டு செல்ல அனுமதிக்கப்படவில்லை.
தேர்வு மையங்களை கல்வித்துறை அதிகாரிகள் நேரில் சென்று பார்வையிட்டு ஆய்வு செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
