மளிகை கடையில் ரூ.9 ஆயிரம் திருட்டு

வலங்கைமான்:-

வலங்கைமான் அருகே உள்ள பாடகச்சேரி ஊராட்சி சுரக்குடி பகுதியை சேர்ந்த ரவிச்சந்திரன் என்பவர் அந்த பகுதியில் மளிகை கடை நடத்தி வருகிறார். அதே பகுதியை சேர்ந்த வீரையன் மகன் கார்த்தி (வயது20). இவர் நேற்று முன்தினம் இரவு ரவிச்சந்திரனின் மளிகை கடையின் ஓலை கூரையை பிரித்து உள்ளே புகுந்து கல்லா பெட்டியில் இருந்த ரூ.9 ஆயிரத்தை திருடி உள்ளார். அப்போது கடை உரிமையாளர் ரவிச்சந்திரன், கார்த்தியை கையும், களவுமாக பிடித்து வலங்கைமான் போலீஸ் நிலையத்தில் ஒப்படைத்தார். இதுகுறித்து போலீசார் வழக்குப்பதிவு செய்து கார்த்தியை கைது செய்தனர்.