<
100 நாள் வேலைத்திட்டத்தில் நேரத்தை மாற்றுவதா? கிராம மக்கள் சாலை மறியல்
காட்டுகாநல்லூர் கிராமத்தில் 100 நாள் வேலை திட்டத்தில் நேரத்தை மாற்றுவதை கண்டித்து பொதுமக்கள் மறியலில் ஈடுபட்டனர்.
ஆரணி
நாடு முழுவதும் 100 நாள் வேலை திட்டத்தின்கீழ் ஊரக பகுதிகளில் பல்வேறு பணிகள் நடக்கின்றன. இந்த பணியில் ஈடுபடும் தொழிலாளர்கள் காலை 9 மணிக்கு வந்து மதியம் 3 மணிக்கு பின் வீடு திரும்புவதாக இருந்தது.
ஆனால் இப்போது 2 மணி நேரத்துக்கு முன்னதாகவே அதாவது காலை 7 மணிக்கே பணியில் ஆஜராக வேண்டும் என கூறப்படுகிறது. பெண் தொழிலாளர்கள் வீட்டு வேலையை முடித்துவிட்டு வருவதற்குள் நேரம் கடந்து விடுவதால் வருகைப் பதிவேட்டில் பெயர் பதிவு இயலவில்லை.
இந்த நிலையில் நேரம் மாற்றம் செய்யப்பட்டதை கண்டித்தும் முன்பு போலவே காலை 9 மணிக்கு துவங்கி அனுமதிக்க வேண்டும் என வலியுறுத்தி கண்ணமங்கலம் அருகே உள்ள காட்டுக்காநல்லூரில் தொழிலாளர்கள் திடீர் மறியலில் ஈடுபட்டு தெரிவித்து கோஷங்கள் எழுப்பினர்.
அந்த ஊரில் வசிக்கும் வேலூர் மாவட்ட உதவி கலெக்டர் காமராஜ் விரைந்து சென்று உரிய அலுவலரிடம் பேசி நடவடிக்கை எடுக்கிறேன் என கூறினார்.
போலீஸ் இன்ஸ்பெக்டர் சாலமோன் ராஜா, சப் இன்ஸ்பெக்டர் விஜயகுமார் ஆகியோர் சம்பவ இடத்திற்கு விரைந்து சென்று பொதுமக்களிடம் சமரசம் செய்தனர். இதனால் போராட்டத்தை தொழிலாளர்கள் கைவிட்டு கலைந்து சென்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
